Tradhisi Islami
Pondhok
pesantren menika kalebet salah setunggaling sekolahan ingkang
nggulawentah para siswanipun supados dados janma utama. Sami kalayan
sekolah umum sanesipun, pondhok pesantren ugi nggadhai aturan aturan
ingkang kedah dipuncakaken dening para siswa sarta para dwija. Punjering
ukara, pondhok pesantren menika ugi nggadahi tradhisi ingkang tasih
dipunlajengken ngantos samenika sarta mboten ical dening gilir
gumantinipun zaman. Tradhisi menika kadosta tradhisi ngaos bandongan,
ngaos sorogan, ngaos qur’an, madin, ngaos dzibaan, ngaos khitobahan
sarta sanesipun.
Mligginipun
pondhokan menika kedah awrat wonten ing bageyan ngaosipun, pramila
mboten klentu menawi pondhok pesantren angluberaken wekdal ingkang
kathah kagem ngaos. Ngaos wonten ing pondhok pesantren menika umumipun
kaperang dados kalih, inggih menika ngaos quran sarta ngaos kitab. Ngaos
kitab menika kaperang dados kalih inggih menika ngaos kitab bandongan
sarta ngaos sorogan. Bentenipun antawis kekalih menika wonten ing
pandeganipun utawi kyai. Menawi wonten ing ngaos bandongan, kyai dados
pandega utami ingkang maosaken wosing kitab ingkang dipunrembag, wondene
ngaos sorogan menika santri utawi para siswa menika kedah maosaken
kitab ingkang dipunrembag wonten ing sangajengipun kyai.
Ngaos
quran menika kaperang dados kathah, kadosta, ngaos quran binnadhor,
ngaos quran bilghoib (ingkang kekalihipun kagem ingkang ngapalaken
quran) sarta ngaos quran halaqoh. Ngaos quran halaqoh utawi halaqoh
quran menika ngaos quran ingkang antawisipun santri sarta ustadz utawi
dwija sami lenggah lesehan sarta mbentuk barisan kanthi bentuk bunder.
Ingkang dipunwaos ugi ayat quran ingkang gilir gumanti pemaosipun utawi
sistem nglajengaken ayat.
Wondene
kegiyatan sanesipun inggih menika berjanjen, inggih menika kegiyatan
kagem mengeti dinten miyos sarta wafatipun kanjeng nabi ingkang
pungkasan nun inggih kanjeng nabi Muhammad SAW. Kegiyatan menika asring
dipunlampahi pendhak malem jumat utawi saben wulan mulud kanthi rutin.
Kegiyatan sanesipun inggih menika kegiyatan khitobahan, inggih menika
kegiyatan kagem nglatih mental sarta kewanteran santri menawi majeng
pidato wonten ing ngajeng tiyang kathah. Khitobah menika dipunwontenaken
kanthi tema ingkang asring dipunlampahi wonten ing desa, nanging kanthi
konsep ingkang langkung gayeng.
Kegiyatan
ingkang mboten pareng kesupen inggih menika, kegiyatan madin, inggih
menika kegiyatan pasinaon ilmu agami kanthi dipunpandegani dening
setunggal dwija. Sistemipun kadosa kelas wonten ing sekolah formal.
Madin utawi madrasah diniyah menika asring dipunlampahi wonten ing wayah
ndalu.
Dening: Noor Roikhatun Ni’mah (Raikha binta Fauzan)
0 komentar:
Posting Komentar